பொங்கல் விழா தமிழர்களின் வாழ்வியலோடு பின்னிப் பிணைந்த ஒரு விவசாயத் திருவிழா. இது இயற்கைக்கு நன்றி கூறும் நாளாக மட்டுமல்லாமல், உழைப்பை அடையாளப்படுத்தும் ஒரு சமூகக் கொண்டாட்டமாகவும் திகழ்கிறது. இந்த விழாவின் மையத்தில் உழவர்கள், விவசாயிகள், கால்நடை வளர்ப்போர், கைவினை மற்றும் மண்பாண்டத் தொழிலாளர்கள் போன்ற பாரம்பரியத் தொழிலாளர்கள் முக்கிய இடம் பெறுகின்றனர்.
விவசாயிகள்
பொங்கல் திருவிழா விவசாயம் மற்றும் வியாபாரத்தின் மையமான நிகழ்வாகும். விவசாயிகள் புதிய நெல் அறுவடை செய்து, புத்தரிசியைக் கொண்டு பொங்கல் வைப்பதில் முக்கிய பங்கு வகிக்கிறார்கள்.பொங்கல் காலத்தில் கிடைக்கும் வருமானம் அவர்களின் ஆண்டு வாழ்வாதாரத்திற்கு முக்கிய ஆதாரமாக அமைகிறது. இதனால், பொங்கல் திருவிழாவில் விவசாயிகளும் வியாபாரிகளும் வியாபார ரீதியாக மைய பங்கு வகிக்கிறார்கள்.
கால்நடை வளர்ப்போர்
பொங்கல் திருவிழா (Livestock) கால்நடை வளர்ப்பையும் வியாபாரத்தையும் மையமாகக் கொண்டது. மாட்டுப் பொங்கலை முன்னிட்டு, மாடுகள், காளைகள், எருமைகள் போன்ற கால்நடைகளுக்கான சந்தைகள் நடைபெறுகின்றன. கால்நடை வியாபாரிகள் வளர்த்து பராமரித்த கால்நடைகளை விற்பனை செய்து, விவசாயிகளின் தேவையை பூர்த்தி செய்கிறார்கள். பொங்கல் காலத்தில் கிடைக்கும் வருமானம், அவர்களின் ஆண்டு வாழ்வாதாரத்திற்கு முக்கிய ஆதாரமாக அமைகிறது. இதனால், பொங்கல் திருவிழாவில் கால்நடை வியாபாரிகள் வியாபார ரீதியாக முக்கிய பங்கு வகிக்கிறார்கள்.
மண்பாண்டத் தொழிலாளர்கள்
பொங்கலின் முக்கிய அடையாளங்களில் ஒன்று மண்பானைகள். பாரம்பரிய முறையில் மண்பானைகளை தயாரிக்கும் மண்பாண்டத் தொழிலாளர்கள், வருடங்களுக்கு முன்பே உழைத்து, மண், நீர், தீ போன்ற இயற்கை வளங்களைப் பயன்படுத்தி விற்பனைக்கான பானைகளை தயாரிக்கிறார்கள். பொங்கல் காலத்தில் வீடு வீடாக மண்பானைகள் வாங்கப்படுவதால், அவர்களின் உழைப்பும் வருமானமும் அதிகமாகும். இந்த வகையில், மண்பாண்டத் தொழிலாளர்கள் பொங்கல் திருவிழாவில் வியாபார ரீதியாக முக்கிய பங்கு வகிக்கிறார்கள்.
ஆனால், இக்காலகட்டத்தில் மலிவு விலை பாத்திரங்கள் மற்றும் மாற்றுப் பொருட்கள் காரணமாக விற்பனை குறைவதால் வியாபாரிகள் பாதிக்கப்படுகிறார்கள். இதனால் அவர்களின் வருமானம் குறைகிறது மற்றும் தொழில் பாதுகாப்பும் சவாலுக்கு உள்ளது.
கரும்பு, வெல்லம் வியாபாரிகள்
பொங்கல் உணவின் இனிப்பான அடையாளங்கள் கரும்பும் வெல்லமும். கரும்பு வெட்டி விற்பனை செய்யும் வியாபாரிகள், பாரம்பரிய முறையில் வெல்லம் தயாரிக்கும் தொழிலாளர்கள் பொங்கல் காலத்தில் அதிக உழைப்பில் ஈடுபடுகிறார்கள். இவர்களின் உழைப்பால் மட்டுமே பொங்கல் உணவின் சுவையும், விழாவின் பரிமாணமும் முழுமை பெறுகிறது.
நெசவாளர்கள்
பொங்கல் பண்டிகையில் பாரம்பரிய உடை முக்கிய பங்கு வகிக்கிறது. இதற்காக நெசவாளர்கள் மற்றும் கைத்தறி தொழிலாளர்கள் வருடங்களுக்கு முன்பே தயாரிப்பில் ஈடுபடுகிறார்கள். அவர்கள் துணிகளை நெசும், வண்ணமயமாக்கும், வடிவமைக்கும் திறமையான உழைப்பால் மட்டுமே பொங்கல் காலத்தில் அணியப்படும் புதிய மற்றும் பாரம்பரிய ஆடைகள் உருவாகின்றன. இந்த ஆடைகள் இல்லாமல், பொங்கல் விழாவின் பாரம்பரிய அழகும், கலாச்சார ரீதியான முழுமையும் வெறுமையாகிவிடும்.(Online Tamil News)
சிறு வியாபாரிகள் மற்றும் சந்தைச் சூழல்
பொங்கல் காலத்தில் புதுத் துணிகள், மளிகைப் பொருட்கள், கரும்பு, மஞ்சள், பூக்கள், கோலப் பொடிகள் போன்றவற்றை விற்பனை செய்யும் சிறு வியாபாரிகள், கிராமங்களிலும் நகரங்களிலும் விழாவுக்கான சூழலை உருவாக்குகிறார்கள். சில நாட்களில் கிடைக்கும் வருமானமே, அவர்களின் குடும்ப வாழ்க்கைக்கு முக்கிய ஆதாரமாக அமைகிறது.
கலைஞர்கள் மற்றும் பண்பாட்டு வெளிப்பாடு
பொங்கல் விழாவின் மகிழ்ச்சியை மேலும் உயர்த்துவது கலைஞர்களே. நாட்டுப்புற நடனம், இசை, நாடகம், கலை நிகழ்ச்சிகள் போன்றவற்றின் மூலம், அவர்கள் விழாவுக்கு உயிர் ஊட்டுகிறார்கள். இக்கலைகளும் பாரம்பரிய உழைப்பின் ஒரு பகுதியாகவே பார்க்கப்பட வேண்டும்.
பொங்கல் விழா என்பது ஒரே ஒரு தொழிலைக் கொண்டாடும் நிகழ்வு அல்ல.(Agriculture) விவசாயம், கால்நடை வளர்ப்பு, கைவினை, உணவு தயாரிப்பு, வணிகம், கலை என பல்வேறு தொழில்களின் ஒருங்கிணைந்த உழைப்பின் விளைவே பொங்கல். இந்த தொழிலாளர்களின் உழைப்பை மதித்து, அவர்களின் வாழ்வாதாரத்தை ஆதரிப்பதே பொங்கலின் உண்மையான பொருள்.
