அமெரிக்காவில் வெளியிடப்படவுள்ள புதிய டாலர் நோட்டுகளில் அந்நாட்டு அதிபர் Donald Trump கையொப்பம் இடம்பெற உள்ளது என்ற தகவல் வெளியாகியுள்ளது. இதுவரை 1861ஆம் ஆண்டு முதல் அமெரிக்க நாணயங்களில் Treasury Secretary மற்றும் Treasurer ஆகியோரின் கையொப்பங்களே இடம்பெற்று வந்தன. இது சுமார் 165 ஆண்டுகளாக தொடர்ந்த ஒரு முக்கியமான மரபாகும். தற்போது அந்த நடைமுறையில் மாற்றம் செய்து, Treasurer கையொப்பத்தை நீக்கி அதன் இடத்தில் டிரம்ப் கையொப்பத்தை சேர்க்கும் முடிவு எடுக்கப்பட்டுள்ளதாக கூறப்படுகிறது.
இந்த புதிய மாற்றம் 2026 ஆம் ஆண்டு ஜூன் மாதம் முதல் அச்சிடப்படும் 100 டாலர் நோட்டுகளில் அமலுக்கு வரும் என தகவல்கள் தெரிவிக்கின்றன. அதன் பின்னர், படிப்படியாக மற்ற மதிப்புள்ள டாலர் நோட்டுகளிலும் இதே மாற்றம் கொண்டுவரப்படும் என எதிர்பார்க்கப்படுகிறது. அமெரிக்காவின் 250வது சுதந்திர ஆண்டு விழாவை முன்னிட்டு இந்த நடவடிக்கை எடுக்கப்பட்டதாக அதிகாரிகள் விளக்கம் அளித்துள்ளனர்.
மேலும், டிரம்ப் ஆட்சிக் கால பொருளாதார நடவடிக்கைகளை நினைவுகூரும் முயற்சியாகவும் இதை சிலர் பார்க்கின்றனர். அதே நேரத்தில், இந்த முடிவு அரசியல் நோக்கத்துடன் எடுக்கப்பட்டதாகவும், நீண்ட காலமாக இருந்து வந்த மரபை மாற்றுவது தேவையற்றது என்றும் சிலர் விமர்சித்து வருகின்றனர். இதனால், இந்த மாற்றம் அமெரிக்காவில் அரசியல் மற்றும் சமூக ரீதியாக விவாதத்தையும் சர்ச்சையையும் ஏற்படுத்தியுள்ளது.(Online Tamil News)
