இந்திய ரிசர்வ் வங்கி (RBI) வங்கிகளுக்கான குறுகிய காலக் கடனின் (REPO)ரெப்போ வட்டி விகிதத்தை 0.25% குறைத்துள்ளது. வலுவான ஜிடிபி வளர்ச்சியும், பணவீக்கம் குறைந்துள்ளதும் இந்த முடிவுக்கு முக்கிய காரணங்கள்.
ரிசர்வ் வங்கி ஆளுநர் சஞ்சய் மல்ஹோத்ரா தலைமையில் டிசம்பர் 3 முதல் 5 வரை நடைபெற்ற நாணயக் கொள்கைக் குழு (MPC) கூட்டத்தில், ரெப்போ விகிதத்தை குறைப்பது குறித்து ஒருமனதாக முடிவு செய்யப்பட்டது.
முக்கிய அம்சங்கள்:
- புதிய ரெப்போ விகிதம்: 5.25% (முன்பு 5.50%)
- ரெப்போ விகிதம் தற்போது 25 அடிப்படைப் புள்ளிகள் குறைக்கப்பட்டது.
- இரண்டு கூட்டங்களாக விகிதம் மாற்றமின்றி இருந்த பிறகு தற்போது குறைப்பு அறிவிப்பு.
ஏன் ரெப்போ வட்டி குறைக்கப்பட்டது?
- ஜிடிபி (GDP) வளர்ச்சி மிக வலுவாக உள்ளது – இரண்டாம் காலாண்டில் 8.2%.
- சில்லறை பணவீக்கம் குறைந்துள்ளது – அக்டோபரில் 2.25%.
- இந்த வளர்ச்சியும் பணவீக்கக் குறைப்பும் “தங்கமணி காலம்” என ஆளுநர் குறிப்பிட்டார்.
- நடப்பு நிதியாண்டுக்கான பணவீக்க கணிப்பு 2.6% → 2% என குறைக்கப்பட்டது.
பணப்புழக்க நடவடிக்கைகள்
- அரசுப் பத்திரங்கள் ₹1 லட்சம் கோடி பெறும் நடவடிக்கை.
- $5 பில்லியன் ரூபாய்-டாலர் மாற்று திட்டம்.
- SDF விகிதம்: 5%
- MSF விகிதம் மற்றும் வங்கிக் கடன் விகிதம்: 5.5%
பொதுமக்களுக்கு என்ன பயன்?
ரெப்போ விகிதம் குறையும்போது வங்கிகளின் கடன் பெறும் செலவு குறையும். அதனால்:
- வீட்டு கடன்,
- வாகனக் கடன்,
- தனிநபர் கடன்
இவற்றின் வட்டி விகிதங்களும் குறையும் வாய்ப்பு அதிகம். புதிய கடன் வாங்குவோருக்கும், ஏற்கெனவே கடன் செலுத்துவோருக்கும் இது நபெரிதும் உதவும்.
மொத்தத்தில், பொருளாதார வளர்ச்சியை மேலும் ஊக்குவிக்கும் வகையில் ரிசர்வ் வங்கி எடுத்த முக்கிய முடிவாக இது பார்க்கப்படுகிறது.
