சாதி மதம் பார்க்காமல் தவெகவில் வேட்பாளரை நிறுத்தினார்கள் என்று தவெக ஆதரவாளர்கள் உருட்டினார்கள். ஆனால் உண்மை என்னவென்றால், கட்சித் தலைவரே சாதி மத செல்வாக்குள்ள தொகுதியைத்தான் தேர்ந்தெடுத்தார் என்பதுதான்.
கட்சி சார்பில் தேர்தலுக்காக செலவு செய்யவில்லை என்று தவெகவை விடவும் ஆதரவாளர்கள் அதிகம் மெச்சுகின்றனர். ஆனால் உண்மை வேறொன்றாக இருக்கிறது. சோசியல் மீடியா influencersக்கு ஒரு வருடமாக கோடிகளில் கொட்டிக் கொடுத்தது வாக்குமூலமாக வெளி வருகிறது.
ஓட்டுக்கு பணமே கொடுக்காமல் ஜெயித்திருக்கிறார்கள். இது தமிழக அரசியலில் பெரும் மாற்றத்தை கொண்டு வந்திருக்கிறது என்றும் தம்பட்டம் அடிக்கிறார்கள் தவெகவினர். இவர்கள்தான் இப்படி என்றால் ஆதரவாளர்களின் உருட்டுக்கு அளவே இல்லாமல் போய்விட்டது. ஆனால், உண்மை என்ன என்பது அம்பலமாகிவிட்டது.
ஓமலூர் தொகுதி வேட்பாளர் தனது பக்கத்து தொகுதி தவெக வேட்பாளர் ஓட்டுக்கு 2000 ரூபாய் கொடுத்து வெற்றி பெற்றதால், தன்னால் ஜெயிக்க முடியவில்லை என்று புலம்பி இருக்கிறார். இதே அளவுக்கு பணம் கொடுத்து ஜெயித்த தவெக வேட்பாளர்கள் பலர் மந்திரிகள் ஆகிவிட்டனர்.
இதையெல்லாம் பார்த்து மாற்றம் என்ற பெயரில் நடந்த அத்தனையும் ஏமாற்றமா? என்று எரிச்சலில் உள்ளனர் மக்கள்.
