உலகின் மிகப்பெரிய கணிப்புச் சந்தையான பாலி மார்க்கெட், வரும் 2026 சட்டமன்ற தேர்தலில் திமுக 200 இடங்களுக்கு மேல் வெல்லும் என்று கணிப்பை சொல்லி இருக்கிறது.
‘’வெல்வோம் இருநூறு – படைபோம் வரலாறு’’ என்று உறுதிமிக்க குரலில் சொல்லி வருகிறார் மு.க.ஸ்டாலின். அதற்கேற்றார் போல் 200க்கும் மேல் திமுக வெல்லும் என்கின்றன பாலி மார்க்கெட் கணிப்புகள்.
உலகின் மிகப்பெரிய கணிப்புச் சந்தையாக விளங்குகிறது பாலி மார்க்கெட். அரசியல், விளையாட்டு, பொருளாதார நகர்வுகள், சர்வதேச நிகழ்வுகளை அறிவாற்றலால் கணித்து அதன் மேல் முதலீடு செய்யும் ஒரு வர்த்தக தளம்தான் பாலி மார்க்கெட்.
ஒரு நிகழ்வு நடக்கும் என்பது உறுதியானால் அந்த ஒப்பந்தத்தின் விலை 100 காசுகளை நோக்கி உயரும். அதுவே அந்த நிகழ்வுக்கான வாய்ப்பு குறைவாக இருந்தால் அந்த விலையும் குறையும். விலையேற்றம்தான் மக்களின் கணிப்பு சதவிகிதம்.
தமிழக சட்டமன்ற தேர்தலை பொறுத்தவரையிலும் ஒரு கட்சி வெற்றி பெறும் என்று 80 காசுகள் விலை இருந்தால் அந்த கட்சி வெற்றி பெறுவதற்கு 80 சதவிகிதம் வாய்ப்பு இருக்கிறது என்கிறது இந்த சந்தை. செய்தி ஊடகங்களை விடவும் பல நேரங்களில் இந்த தளம் துல்லியமான கணிப்புகளை வழங்குவதாக நம்பப்படுகிறது.
இந்த பாலி மார்க்கெட்டில் திமுக மீது பெரிய அளவில் பந்தயம் கட்டும் முதலீட்டாளர்கள் அதிமுக மீது அதிக ஆர்வம் காட்டாமல் உள்ளனர். இதுவே வரும் 2026 சட்டமன்ற தேர்தலில் 200+ இடங்களை ஸ்வீப் செய்யப்போகிறது என்று அறுதியிட்டு சொல்கிறது.
