அமேசான் நிறுவனம் உலகின் மிகப்பெரிய இ-காமர்ஸ் மற்றும் தொழில்நுட்ப நிறுவனங்களில் ஒன்றாகும். இது 1994ஆம் ஆண்டு அமெரிக்காவில் ஜெஃப் பெசோஸ் என்பவரால் தொடங்கப்பட்டது. ஆரம்பத்தில் ஆன்லைன் புத்தக விற்பனை நிறுவனமாக தொடங்கிய அமேசான் நிறுவனம் (Amazon) , இன்று உலகம் முழுவதும் பல்வேறு சேவைகளை வழங்கும் மாபெரும் நிறுவனமாக வளர்ந்துள்ளது.
அமேசான் நிறுவனம் ஆன்லைன் ஷாப்பிங், Amazon Prime, Prime Video, Amazon Web Services (AWS), இசை சேவைகள் மற்றும் டிஜிட்டல் சாதனங்கள் போன்ற பல துறைகளில் செயல்படுகிறது. குறிப்பாக AWS சேவை உலகின் முன்னணி கிளவுட் கம்ப்யூட்டிங் சேவையாக உள்ளது. (Online Tamil News)
30,000 பணியாளர்கள் பணியிலிருந்து நீக்கம்
இந்நிலையில், இதுவரை இல்லாத அளவில் பெரிய ஆட்குறைப்பு நடவடிக்கையில் அமேசான் நிறுவனம் ஈடுபட உள்ளது. 2026 ஆம் ஆண்டில் மட்டும் சுமார் 30,000 பணியாளர்கள் பணியிலிருந்து நீக்கப்படுவார்கள் என தகவல்கள் வெளியாகியுள்ளன. இதில் ஏற்கனவே அறிவிக்கப்பட்ட 16,000 பேருடன், கூடுதலாக 14,000 பேர் சேர்க்கப்பட்டுள்ளனர். இந்த செய்தி வெளியாகி உலகம் முழுவதும் பெரும் அதிர்ச்சியை ஏற்படுத்தியுள்ளது.
எந்த துறைகள் அதிகம் பாதிக்கப்படும்?
இந்த ஆட்குறைப்பு நடவடிக்கை முக்கியமாக AWS (Amazon Web Services), ரீட்டெயில், Prime Video, மற்றும் மனித வள (HR) பிரிவுகளில் செயல்படும் கார்ப்பரேட் பணியாளர்களை பாதிக்கும் என கூறப்படுகிறது. இந்தியாவில் உள்ள சில அணிகளும் இந்த நீக்கத்தில் பாதிக்கப்படலாம் என தகவல்கள் தெரிவிக்கின்றன. இது அமேசானின் கார்ப்பரேட் பணியாளர்களில் கணிசமான சதவீதத்தை உள்ளடக்கியதாகும்.
CEO விளக்கம் மற்றும் எதிர்கால திட்டம்
அமேசான் CEO ஆன்டி ஜாஸ்ஸி கூறுகையில், இந்த ஆட்குறைப்பு AI காரணமாகவோ அல்லது வெறும் செலவு குறைப்பிற்காகவோ அல்ல என்று விளக்கியுள்ளார். நிறுவனத்தில் அதிகரித்துள்ள மேலாண்மை அடுக்குகள் மற்றும் செயல்திறன் குறைபாடுகளை சரிசெய்யவே இந்த முடிவு எடுக்கப்பட்டதாக அவர் தெரிவித்துள்ளார். மேலும் அமேசான் மீண்டும் வேகமாக செயல்படும், எளிமையான அமைப்புடன் செயல்படவே இந்த மாற்றம் தேவை எனவும் கூறப்பட்டுள்ளது.
