பிரபல ராப் இசைப்பாடகர் வேடன், தனது காதலியும் எழுத்தாளருமான நவமி லதாவை திருமணம் செய்துகொண்டார்.
கேரளாவைச் சேர்ந்தவர் வேடன். இவரது இயற்பெயர் ஹிரண் தாஸ் முரளி. இவர் எழுத்தாளர் நவமி லதாவை காதலித்து வந்தார். கேரள மாநில அரசின் விருதை பெறும் போதும், தனது மௌனலோவா பாடல் நவமி லதாவை நினைத்துதான் எழுதினேன் என்று சொன்னபோதும், இவர்களின் காதல் கதைகள் வலைத்தளங்களில் கிசுகிசுக்கப்பட்டு வந்தன.
திருச்சூர் திரூரில் எளிமையான முறையில் நவமி லதாவை திருமணம் செய்திருக்கிறார் வேடன். மதச் சடங்குகளை தவிர்த்து மோதிரம் மாற்றிக்கொண்டு பதிவுத்திருமணம் செய்துள்ளனர்.
அரசியல் அமைப்பின் மீது நம்பிக்கை வைத்து நாங்கள் இந்த முடிவு எடுத்திருக்கிறோம். எங்களின் குழந்தைகளுக்கு இது சிறந்த எடுத்துக்காட்டாக அமையும் என்கிறார் தனது திருமணம் குறித்து வேடன்.
