சிறுவர்கள் சமூக ஊடகங்களைப் பயன்படுத்த உலகிலேயே முதல்முறையாக ஆஸ்திரேலியாவில் விதிக்கப்பட்ட தடை அமலுக்கு வந்தது. இதன் மூலம் மில்லியன் கணக்கான குழந்தைகள் மற்றும் 16 வயதுக்குட்பட்ட டீனேஜர்கள் தங்கள் கணக்குகளிலிருந்து துண்டிக்கப்பட்டுள்ளனர். மேலும், இந்நாள் ‘பெருமைமிக்க நாள்’ என்று அந்நாட்டின் பிரதமர் அந்தோணி அல்பானீஸ் பெருமிதம் தெரிவித்துள்ளனர்
சமூக ஊடகத்தால் பாதிக்கப்படும் குழந்தைகள்
உலகம் முழுவதும் குழந்தைகளை (Children) சமூக ஊடகங்களின் தாக்கத்திலிருந்து பாதுகாக்க பல்வேறு நாடுகள் நடவடிக்கைகளை எடுத்து வருகின்றன. அந்த வகையில், ஆஸ்திரேலியாவில் பேஸ்புக், இன்ஸ்டாகிராம், டிக் டாக், எக்ஸ், யு டியூப், ஸ்னாப்சாட் போன்ற பல்வேறு சமூக ஊடகங்களின் பயன்பாட்டால் குழந்தைகளின் மனம், உடல்நலம் பாதிக்கப்படுகிறது என அந்நாட்டு பிரதமர் அந்தோணி அல்பனீஸ் குற்றம் சாட்டியிருந்தார்.
குழந்தைகளுக்கு அறிவுரை
மேலும், ஒரு புதிய விளையாட்டைத் தொடங்குங்கள், ஒரு புதிய இசைக் கருவியைக் கற்றுக்கொள்ளுங்கள் அல்லது உங்கள் அலமாரியில் இருக்கும் அந்தப் புத்தகத்தைப் படியுங்கள்” மற்றும் “உங்கள் நண்பர்கள் மற்றும் குடும்பத்தினருடன் நேரில் தரமான நேரத்தைச் செலவிடுங்கள்” என்று அவர் குழந்தைகளுக்கு அறிவுரை வழங்கினார்.
16 வயதுக்குட்பட்ட குழந்தைகள் சமூக ஊடகத்தை பயன்படுத்த தடை
இந்நிலையில், குழந்தைகளின் ஆன்லைன் பாதிப்புகள் மற்றும் மனநலப் பிரச்சினைகளிலிருந்து அவர்களைப் பாதுகாக்கும் முயற்சியாக, 16 வயதுக்குட்பட்ட குழந்தைகள் முக்கிய சமூக ஊடக தளங்களைப் பயன்படுத்துவதற்குத் தடை (Social media ban) விதிக்கும் உலகிலேயே முதல் சட்டத்தை ஆஸ்திரேலிய பிரதமர் அந்தோணி அல்பானீஸ் (Anthony Albanese) அறிமுகப்படுத்தியுள்ளார்.
பிரதமரின் முக்கிய கருத்துக்கள் மற்றும் நிலைப்பாடு
பிரதமர் அல்பானீஸ் இந்தச் சட்டம் குறித்துப் பல கருத்துக்களைத் தெரிவித்துள்ளார். அதாவது, அதிகப்படியான சமூக ஊடகப் பயன்பாடு, தவறான தகவல்கள், இணைய மிரட்டல் மற்றும் உடல் தோற்றம் பற்றிய தீங்கு விளைவிக்கும் சித்தரிப்புகள் உள்ளிட்ட மனநலப் பிரச்சினைகளுக்குக் காரணமாக அமைகிறது என்று அவர் குறிப்பிட்டார். மேலும், பதின்ம வயதுடையோருக்கான காணொளிச் செய்தியில், சமூக ஊடகங்களில் நேரத்தைச் செலவழிப்பதற்குப் பதிலாக மற்ற நடவடிக்கைகளில் ஈடுபட வேண்டும் என்று வலியுறுத்தினார்.
பாதிக்கப்பட்ட தளங்கள்:
மேலும் இச்சட்டத்தால் Facebook, Instagram, TikTok, Snapchat, X, YouTube, Reddit, Kick மற்றும் Twitch போன்ற முக்கிய சமூக ஊடகத் தளங்கள் இந்தத் தடை வரம்புக்குள் வருகின்றன.
விலக்கு அளிக்கப்பட்ட தளங்கள்:
WhatsApp, Messenger, YouTube Kids, Discord, Roblox மற்றும் Google Classroom போன்ற முதன்மையாக செய்தியிடல், கற்றல் அல்லது கேமிங்கிற்கான தளங்களுக்கு இச்சட்டத்திலிருந்து விலக்கு அளிக்கப்பட்டுள்ளது என தெரிவிக்கப்பட்டுள்ளது.
தடையை மீறினால் பெற்றோர்களுக்கு அபராதம் விதிக்கப்படாது:
இந்தத் தடையை மீறும் குழந்தைகள் அல்லது பெற்றோர்களுக்கு அபராதம் விதிக்கப்படாது. மாறாக, விதிமுறைகளை மீறும் நிறுவனங்களுக்கு $49.5 மில்லியன் ஆஸ்திரேலிய டாலர் (தோராயமாக ₹275 கோடி) வரை அபராதம் விதிக்கப்படும் என்றும் வயதுச் சான்றிதழ் தொழில்நுட்பங்கள் மூலம் வயதை உறுதிப்படுத்த வேண்டிய பொறுப்பு தளங்களிடமே உள்ளது என்றும் தெரிவிக்கப்பட்டுள்ளது.
