நடந்து முடிந்த 2026 சட்டமன்ற தேர்தலில் தவெக 108 தொகுதிகளை வென்று திமுக கூட்டணியில் வென்ற கட்சிகளின் ஆதரவுடன் கூட்டணி ஆட்சி அமைத்திருக்கிறது. முதற்கட்டமாக கடந்த 10ம் தேதி அன்று தவெக தலைவர் விஜய் உள்பட 10 பேர் அமைச்சரவையில் இடம்பெற்றனர்.
இதையடுத்து இன்று அமைச்சரவை விரிவாக்கம் நடைபெற்றது. இதில் காங்கிரஸ் எம்.எல்.ஏக்கள் 2 பேர், தவெக எம்.எல்.ஏக்கள் 19 பேர் என்று மொத்தம் 23 பேர் அமைச்சர்களாக பொறுப்பேற்றுக் கொண்டனர். மொத்தம் 33 பேர் தவெக அமைச்சரவையில் இடம்பெற்றுள்ளனர். தமிழ்நாட்டின் 19 மாவட்டங்களில் இருந்து 33 பேர் அமைச்சரவையில் இடம்பெற்றுள்ளனர். இதில் சென்னை தொகுதியில் இருந்து மட்டும் 7 தவெக எம்.எல்.ஏக்கள் அமைச்சரவையில் அங்கம் வகிக்கின்றனர்.
19 மாவட்டங்களுக்கு பிரதிநிதித்துவம் இல்லை:
அதே மாதிரி அரியலூர், தர்மபுரி, திண்டுக்கல், கள்ளக்குறிச்சி, கரூர், கிருஷ்ணகிரி, மயிலாடுதுறை, நாகப்பட்டினம், நீலகிரி, பெரம்பலூர், திருவள்ளூர், தேனி, திருநெல்வேலி, திருப்பத்தூர், திருவண்ணாமலை, திருவாரூர், வேலூர், விழுப்புரம், தென்காசி ஆகிய 19 மாவட்டங்களுக்கு அமைச்சரவையில் பிரதிநிதித்துவம் இல்லை.
இலாகா மாற்றம்:
அதிமுகவின் முன்னாள் அமைச்சர் செங்கோட்டையன் தவெகவில் இணைந்து கோபிசெட்டிபாளையத்தில் போட்டியிட்டு வென்றார். அமைச்சரவையில் அவருக்கு நிதித்துறை வழங்கியிருந்தார் விஜய். ஆனால் அமைச்சரவை விரிவாக்கத்தில் அவரது இலாகா மாற்றப்பட்டது. அந்த துறை ஆர்.கே.நகர் தொகுதியில் வென்ற மரிய வில்சனுக்கு சென்றது. செங்கோட்டையனுக்கு வருவாய் மற்றும் பேரிடர் மேலாண்மைதுறை வழங்கப்பட்டுள்ளது.
முதல்வருக்கு 13 துறை:
தவெக முதற்கட்ட அமைச்சரவையில் முதல்வர் விஜய்க்கு பொது நிர்வாகம், உள்துறை, மகளிர் நலம், காவல்துறை, சிறப்பு திட்ட அமலாக்கம், இளைஞர் நலம், குழந்தைகள் நலம், மாற்றுத்திறனாளிகள் நலம், நகராட்சி நிர்வாகம், நகரப்புற வளர்ச்சி , குடிநீர் வழங்கல் துறைகள் ஒதுக்கப்பட்டிருந்தன.
அமைச்சரவை விரிவாக்கத்தில் வறுமை ஒழிப்பு, கிராமப்புற கடன் சுமை ஒழிப்பு துறைகள் கூடுதலாக ஒதுக்கப்பட்டுள்ளன.
முன்னாள் சபாநாயகர் தனபால் மகனுக்கு அமைச்சர் பதவி: அதிமுக ஆட்சியில் சபாநாயகராக இருந்தவர் தனபால். நடந்த சட்டமன்ற தேர்தலில் தனபாலுக்கு சீட் கொடுக்காமல் புறக்கணித்துவிட்டார் எடப்பாடி. இதனால் அவரது மகன் லோகேஷ் தமிழ்ச்செல்வன் தவெகவில் இணைந்தார். நாமக்கல் மாவட்டம் ராசிபுரம் தொகுதியில் போட்டியிட்டு 74,808 வாக்குகள் பெற்று 14,511 வாக்குகள் வித்தியாசத்தில் வென்ற, திமுக அமைச்சர் மா.மதிவேந்தனை தோற்கடித்த அவர் இன்று வணிகவரி மற்றும் பத்திரப்பதிவுத்துறை அமைச்சரானார்.
தவெக அமைச்சரவையின் 33 அமைச்சர்கள்- வென்ற தொகுதிகள்:
விஜய்(பெரம்பூர்), என்.ஆனந்த்(தி.நகர்), ஆதவ் அர்ஜூனா(வில்லிவாக்கம்), செங்கோட்டையன்(கோபி), நிர்மல்குமார்(திருப்பரங்குன்றம்), அருண்ராஜ்(திருச்செங்கோடு), வெங்கடராமன்(மயிலாப்பூர்), ராஜ்மோகன்(எழும்பூர்), குமார்(வேளச்சேரி), விஜயலட்சுமி (குமாரபாளையம்), லோகேஷ் தமிழ்ச்செல்வன் (ராசிபுரம்), ரஞ்சித்குமார் (காஞ்சிபுரம்), தென்னரசு (ஸ்ரீபெரும்புதூர்), விஜய் பாலாஜி (ஈரோடு கிழக்கு), சம்பத்குமார் (கோவை வடக்கு), விக்ணேஷ் (கிணத்துக்கிடவு), விஸ்வநாதன் (காங்கிரஸ் மேலூர்), ஸ்ரீநாத்(தூத்துக்குடி), மதன் ராஜா(ஒட்டப்பிடாரம்), ஜெகதீஸ்வரி (ராஜபாளையம்), கீர்த்தனா (சிவகாசி), தமிழன் பார்த்திபன் (சேலம் தெற்கு), சரத்குமார்(தாம்பரம்), ராஜ்குமார் (கடலூர்), ராஜேஷ்குமார் (காங்கிரஸ் – கிள்ளியூர்), முகமது பர்வாஸ் (அறந்தாங்கி), ராஜீவ் ( திருவாடானை), காந்திராஜ் (அரக்கோணம்), டிகே பிரபு(காரைக்குடி), வினோத் (கும்பகோணம்), ரமேஷ்(ஸ்ரீரங்கம்), கமலி (அவிநாசி)
33 அமைச்சர்களின் பொறுப்புகள்:
விஜய் – உள்துறை, காவல்துறை உள்பட 13 துறைகள்
என்.ஆனந்த் -ஊரக வளர்ச்சி, நீர்வளத்துறை
ஆதவ் அர்ஜூனா – பொதுப்பணித்துறை, விளையாட்டு மேம்பாட்டு துறை
செங்கோட்டையன் – வருவாய் துறை , பேரிடர் மேலாண்மை துறை
நிர்மல்குமார் -மின்சாரம், சட்டத்துறை
அருண்ராஜ் – மக்கள் நல்வாழ்வுத்துறை
கீர்த்தனா- தொழில்துறை
டி.கே.பிரபு – கனிமவளத்துறை
ராஜ்மோகன் – பள்ளிகல்வித்துறை, செய்தித்துறை
வெங்கடரமணன் – உணவுத்துறை , பொது விநியோகத்துறை
ஸ்ரீநாத் – மீன்வளத்துறை
கமலி – கால்நடைத்துறை
விஜயலட்சுமி – பால்வளத்துறை
ரஞ்சித்குமார் – வனத்துறை
வினோத் – வேளாண்துறை
ராஜீவ் – சுற்றுச்சூழல் , காலநிலை மாற்றத்துறை
ராஜ்குமார் – வீட்டு வசதி, நகர்ப்புற வளர்ச்சி
காந்திராஜ் – கூட்டுறவுத்துறை
மதன்ராஜா – கிராமப்புர தொழில்கள்
ராஜேஷ்குமார் – சுற்றுலாதுறை
விஜய் பாலாஜி – கைத்தறி துறை
ஜெகதீஷ்வரி -சமூக நலத்துறை
தமிழன் பார்த்திபன் – போக்குவரத்து துறை
லோகேஷ் தமிழ்ச்செல்வன் – வணிவரி, பத்திரபதிவுத்துறை
ரமேஷ் – இந்து சமய அறநிலையத்துறை
குமார் – ஏஐ, தகவல் தொழில்நுட்பத்துறை
விஸ்வநாதன் – உயர்கல்வித்துறை
தென்னரசு – வெளிநாட்டு வாழ் தமிழர்கள் நலத்துறை
சரத்குமார் – மனிதவள மேலாண்மை துறை
விக்னேஷ் – மதுவிலக்கு ஆயத்தீர்வை துறை
மரிய வில்சன் – நிதித்துறை
முகமத் பர்வாஸ் – தொழிலாளர் நலத்துறை
